Қазақстан азаматтары 2025 жылы виза алмай бара алатын елдер
Қайда визасыз баруға болады?
2025 жылы Қазақстан азаматтары визасыз бара алатын елдердің саны 82-ден асты. Еліміздің сыртқы істер министрлігінің сайтында виза сұрамайтын елдердің тізімі жарияланған. Осы мақалада қай елге виза алмай баруға болатынын айтып береміз.
2025 жылы виза жасатпай баруға болатын елдер (және максимум неше күнге бара аласыз)
| Виза сұрамайтын елдер | Виза туралы ақпарат |
| Грузия | 365 күн визасыз жүре аласыз. |
| Армения, Сент Винсент және Гренадин | 180 күн визасыз |
| Албания, Андорра, Хаити, Колумбия, Тәжікстан, Ресей, Түркия (180 күн ішіндегі 90 күн), Украина, Молдова, Моңғолия | 90 күн визасыз |
| Аргентина, Беларусь, Бразилия, Вьетнам, Қатар, Қытай, Малайзия, Мальдив, Марокко, Оңтүстік Корея, Сербия, Өзбекстан, Филиппин, Экуадор, Никарагуа, БАӘ (Біріккен Араб әмірліктері), Сейшел аралдары, Қырғызстан, Әзербайжан, Тунис, Сан-Марино, Сербия, | 30 күн визасыз |
| Тайланд | 60 күн визасыз |
| Черногория | Курорт маусымында 30 күн визасыз жүруге болады |
| Барбадос | 28 күн визасыз |
| Хоңкоң, Оман | 14 күн визасыз |
| Түркіменстан | 5 күн визасыз (тек Атырау және Маңғыстау облыстарының тұрғындары) |
Черногорияның визасыз режим дегені былай: визаны жазда барғанда 30 күнге 1 еуро төлеп алуға болады. 2025 жылы жазғы маусым 1 наурызда басталып, 1 қарашада аяқталады.
Қазақстан мен Тайланд та тұрақты визасыз режим туралы келісімге қол қойды. Бұрын Тайландтың визасын әуежайына барып алуға болатын еді. Ақысы 2200 тай баты (28 838 теңге) болатын.
2024 жылы Қазақстан азаматтарынан виза сұрамайтын елдердің қатарына Марокко да (1 қыркүйектен бері) қосылған-ды. Бірақ визасыз режим қашан басталары белгісіз.
Визасын әуежайда беретін елдер
Кей елде Қазақстан азаматтары визаны шекарадан өтерде ғана ала алады.
Жаныңызда мынандай құжаттар болуы керек:
- кемінде алты ай жарамды паспорт;
- екі жақтың билеті;
- паспорт форматына сай келетін екі фото (өлшемі баратын елге қарай өзгереді);
- консулдық және сервис алымын төлейтін ақша (ақысы әртүрлі);
- қосымша анықтамалар мен хаттар. Мысалы, сақтандыру я шақыру туралы хат.
Керек құжаттардың тізімі өзгеріп отыруы мүмкін, сондықтан нақтысын ресми сайттардан қараңыз.
| Визасын шекарадан өтерде беретін елдер | Максимум мерзімі мен ақысы |
| Бангладеш | 30 күн, 70$ |
| Боливия | Ақысы — 100$ |
| Шығыс Тимор | 30 күн, 30$ |
| Гренада | Ақысы — 100$ |
| Доминикана республикасы | 60 күн, 30$ |
| Мысыр | 30 күн, ақысы — 25$. Қазақстан азаматтары Шарм-әл-Шейх қаласына 15 күнге визасыз бара алады, басты шарт — қаладан шықпау керек. |
| Замбия | 30 күні, 50$ |
| Иордания | 90 күн, 40 иордан динары ( 29 мың теңге) |
| Кабо-Верде | 30 күн, 30$ |
| Камбоджа | 30 күн, 20$. Электрондық виза да алуға болады. |
| Комор аралдары | 30 күн, ақысы белгісіз |
| Лаос | 30 күн, Вьентьян, Луаң-Прабаң, Пэйкс, ақысы — 30$ |
| Маврикий | 60 күн, 17$ |
| Мадагаскар | 90 күн, 90$ |
| Макао | 30 күн, 25$ |
| Мозамбик | 30 күн, 25$ |
| Непал | 90 күн, 100$ |
| Никарагуа | 90 күн, ақысы белгісіз |
| Палау | 30 күн, 130$ |
| Сомали | 30 күн, 60$ |
| Того | 7 күн, 70$ |
| Тувалу | 30 күн, ақысы белгісіз |
| Уганда | 90 күн, 100$ |
| Шри-Ланка | 30 күн, 40$. Электрондық виза да жасатуға болады. |
| Жамайка | Ақысы — 100$ |
| Индонезия | Ақысы — 36$. Электрондық виза да алуға болады. |
| Намибия | 2025 жылғы 1 сәуірден бастап барғанда берілетін виза алу керек. Ақысы — 32$. |
Электрондық виза беретін елдер
| Электрондық виза беретін елдер | Максимум мерзімі мен ақысы |
| Бахрейн | Көп дегенде 30 күнге беріледі, ақысы — 117$. |
| Бенин | 30 күн, 128,3$. |
| Габон | 30 күн, 25$ (шілде-мамыр), 10$ (сәуір-маусым). |
| Гуинея-Бисау | 90 күн, 70$. |
| Жибути | 30 күн, 23$. |
| Үндістан | 365 күн, 40$. |
| Камбоджа | 30 күн, 36$. |
| Пәкістан | Электрондық визаны ресми сайттан жасату керек. Кәдімгі виза берілмейді. |
| Сауд Арабиясы | 90 күн, 123$. |
| Сингапур | 30 күн, 30 сингапур доллары (11 мың теңге). |
| Уганда | 90 күн, 51,5$. |
| Эфиопия | 30 күн, 52$. |
| Бахама аралдары | 90 күн, 100$. |
| Шри-Ланка | 30 күн, 35$. |
| Намибия | 90 күн, 32$. |
Қазақстан азаматтарына визасыз транзит ұсынатын елдер
Қазақстан азаматтары визасыз транзит ұсынатын елдерден визасыз режим біткенше шығып кетуі керек. Туристер әдетте транзит аймағынан я әуежайдан шықпауы керек. Десе де, кейбір ел әуежайдан шығып, қаланы аралауға рұқсат етеді. Сондықтан елшіліктен визасыз режим туралы ақпаратты нақтылап алғаныңыз жөн.
Қазақстан азаматтарына визасыз транзит беретін елдер:
Мына елдерде де Қазақстан азаматтары виза көрсетпей ұшақ ауыстыра алады:
- Белиз;
- Босния және Герцеговина;
- Гуатемала;
- Хондурас;
- Мексика;
- Панама;
- Румыния;
- Сальвадор.
2025 жылы қай елдің теңізіне виза алмай баруға болады?
Қай елдің теңізін виза алмай көруге болатынын айтып берейік.
| Албания | Аргентина | Барбадос | Малайзия |
| Бразилия | Грузия | Колумбия | БАӘ |
| Мальдив | Палау | Сейшел аралдары | Түркия |
| Оман | Филиппин | Черногория | Экуадор |
Түйін
Виза жасатпай баруға болатын елдер көп. Нақты ақпаратты барар алдында елшілік сайтынан анықтап алыңыз.
А вы уже бывали в одной из безвизовых стран?
64
10
