АҚШ-қа ұшатын жолаушылар енді декларация толтыруға тиіс

Жаңалық 1 мин оқисыз
16.11.2026

АҚШ-қа ұшатын жолаушылар енді декларация толтыруға тиіс

Бұл құжатты өткізбегендер рейсіне мінбей қалуы мүмкін

2026 жылғы 4 қарашадан бастап АҚШ-қа ұшатын жолаушылардың бәрі кейінгі 21 күнде Конго Демократиялық республикасына бармағанын растап декларация толтыруға тиіс.

Ереже транзит жолаушыларына да арналған әрі жолаушының азаматтығына қарамайды: бәрі толтыруға міндетті.  

АҚШ-қа ұшқалы жатырмын. Не істеуім керек?

  • Декларацияны АҚШ-қа ұшатын рейске тіркелмей тұрып толтырасыз. Формасы мына ресми сайтта тұр.
  • Декларацияның екі көшірмесін қағазға шығарып, толтырып, қол  қоясыз. Кәмелет жасына толмаған баланың декларациясын ата-анасы не уәкілі толтыра алады. 
  • Құжатты рейске тіркелгенде көрсетесіз. Біреуін әуе компаниясының қызметкеріне бересіз, екіншісі өзіңізде қалады. 
Жолаушы декларацияны толтырмаса АҚШ-қа ұшатын рейске мінгізілмей қалуы мүмкін. 

Бұл ереженің мақсаты не? 

Бұл шешім Конго Демократиялық республикасында қайта өршіп кеткен Эбола вирусын АҚШ-та таралуына тосқауыл қою үшін шығарылған. 2026 жылғы 11 қарашаға дейінгі дерекке қарағанда вирус қайта өрши бастағаннан бері 11 мыңнан аса адамнан анықталған және оның жартысына жуығы қайтыс болған.   

0

0

Автордың суреті
Арай Жауперова

редактор, тағы осындай мақала жазу үшін қайда барсам екен деп жүр

Басқа жаңалықтар:

Былтыр олар жөндеу жұмыстарының кесірінен 2-терминалға ауысқан еді

2027 жылғы 1 ақпанға дейін Airbus A321LR борттарында интернет жолаушылардың бәріне тегін болады

Бірақ электрондық рұқсат алу 2027 жылғы 1 шілдеден кейін ғана міндет болады