1 қарашада Қазақстан шетел туристеріне арналған QazETA рұқсат жүйесін енгізе бастады

2026 жылғы 1 қарашада Қазақстан виза алуға тиіс емес шетел азаматтарына арналған электрондық рұқсат жүйесін біртіндеп енгізе бастады. Бірақ алдын ала рұқсат алу (ETA) 2027 жылғы 1 шілдеден кейін ғана міндет болады. 

Қазақстанның электрондық кіру рұқсаты жүйесі QazETA деп аталады. Ол шекарадан өту процесін ыңғайластыру үшін ойлап табылған. Жаңа жүйе кезек-кезек енгізіле бастайды:  

• 2026 жылғы 1 қараша — Ақтау халықаралық әуежайында, Павлодар облысындағы «Өрлітөбе» көлік өткізу пунктісінде, Жамбыл облысындағы «Ауқатты» көлік өткізу пунктісінде, Түркістан облысындағы «Атамекен» көлік өткізу пунктісінде және Жетісу облысындағы «Нұрлы Жол» көлік өткізу пунктісінде.  

• 2027 жылғы 1 қаңтар — Астана және Алматы халықаралық әуежайларында.  

• 2027 жылғы 1 наурызда — Қазақстанның мемлекет шекарасындағы өткізу пунктілерінің бәрінде; 

• 2027 жылғы 30 маусымға дейін — QazETA-сы жоқ шетел туристеріне электрондық рұқсат алу ұсынылады. Рұқсат алмаған елге кіре алмай қалады деген сөз емес.  

• 2027 жылғы 1 шілдеде және одан кейін — электрондық рұқсат алу міндет болады. Онсыз шетел турисі елге кіре алмай қалуы мүмкін.  

QazETA жасату 

Өтінішті qazeta.kz қолданбасынан онлайн жіберу керек болады. Негізгі шарттары мынандай:  

• Ақысы: тегін, 

• Өтініш беретін кез: Қазақстанға кіретін күнге 72 сағат қалмай беру керек; 

• Жарамдылық мерзімі: жүйеден өткеннен кейін 180 күн жарамды болады; 

• Шекарада көрсететін құжаттар: саяхатшы өтінішке жазған жарамды паспортын көрсетуі керек. 

Электрондық рұқсат алуға тиіс емес азаматтар

Тиісті құжаттарын көрсетсе QazETA жүйесіне тіркелмесе де болатын 29 азаматтар санаты бар.  

• 16-ға толмағандар мен 65-ден асқандар; 

• Қазақстан визасын алғандар, уақытша тұруға рұқсаты барлар, тұру ықтиярхаты барлар; 

• Дипломат паспорты не қызмет паспорты барлар; 

• Мемлекет, үкімет, халықаралық ұйым басшылары мен олардың үй-іші; 

• Ресми мемлекет және үкімет делегациясының мүшелері; 

• Әуежайдың транзит аймағынан шықпайтын транзит жолаушылар; 

• Әуе, теңіз, өзен кемелерінің, пойыз бригадаларының экипаждары және халықаралық жүк пен жолаушылар таситын жүргізушілер.